പരീക്ഷാ ക്രമക്കേട്; കോക്രോച്ച് ജനതാ പാർട്ടിയുടെ പാർലമെന്റ് മാർച്ചിന് പോലീസ് അനുമതി നിഷേധിച്ചു

ഡൽഹി: പരീക്ഷാ ക്രമക്കേടുകളിൽ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജി ആവശ്യപ്പെട്ട് കോക്രോച്ച് ജനതാ പാർട്ടി (സിജെപി) ഇന്ന് നടത്താനിരുന്ന പാർലമെന്റ് മാർച്ചിന് ഡൽഹി പോലീസ് അനുമതി നൽകിയില്ല.

പാർലമെന്റ് സമ്മേളനം ഇന്ന് ആരംഭിക്കുന്ന സാഹചര്യത്തിലാണ് പോലീസ് അനുമതി നിഷേധിച്ചത്. നിലവിൽ സമരം നടക്കുന്ന ജന്തർ മന്തറിൽ വെച്ച് തന്നെ മാർച്ച് പോലീസ് തടയും.

ഇതിന്റെ ഭാഗമായി ജന്തർ മന്തർ പരിസരങ്ങളിൽ സർക്കാർ സുരക്ഷാ സന്നാഹം വർധിപ്പിച്ചിട്ടുണ്ട്. വലിയ തോതിൽ പോലീസ് വിന്യാസവും നടത്തിയിട്ടുണ്ട്.

പരീക്ഷകളിലെ ക്രമക്കേടുകളും ചോദ്യപേപ്പർ ചോർച്ചയും ഉദ്യോഗാർത്ഥികളുടെ ഭാവി ഇല്ലാതാക്കുന്നുവെന്നാണ് സിജെപിയുടെ ആരോപണം. ഇക്കാര്യത്തിൽ കേന്ദ്രമന്ത്രി ധർമേന്ദ്ര പ്രധാൻ രാജിവെക്കണമെന്നും പാർട്ടി ആവശ്യപ്പെടുന്നു.

Also read: കണ്ണൂർ താണയിൽ കാന്റീനിൽ മരിച്ച നിലയിൽ കണ്ടെത്തിയത് കട്ടപ്പന സ്വദേശി സുനി

പാർലമെന്റിലേക്ക് മാർച്ച് നടത്താനായിരുന്നു സിജെപിയുടെ തീരുമാനം. എന്നാൽ നിയന്ത്രണങ്ങൾ കാരണം ജന്തർ മന്തറിൽ പ്രതിഷേധം ഒതുക്കാനാണ് പോലീസിന്റെ നീക്കം.

Content Highlight: CoKroCh Janata Party Parliament March Today, Delhi Police Denies Permission

#CJP #Parliament March #Dharmendra Pradhan #Exam Scam